गुंतागुंत ही मनाची

गुंतागुंत ही मनाची

गुंतागुंत ही मनाची,  सांगा कशी सोडवावी ।
वादळे ही मनातील,  सांगा कशी थोपवावी ।

मन चंचल पाखरू,  त्याला कसे पकडावे ।
थोडे येथे थोडे तेथे, त्याला कसे सावरावे ।
घालमेल ही मनाची, दूर कशी ती करावी ।
वादळे ही मनातील,  सांगा कशी थोपवावी ।

मनात नाना विचार, योग्य कसा निवडावा ।
नाही ताबा मनावर, मार्ग कोणता धरावा ।
इच्छा आपल्या मनाची, पूर्ण कशी ती करावी ।
वादळे ही मनातील,  सांगा कशी थोपवावी ।

                             हरेशकुमार ना. खैरे
                             काटोल, जि. नागपूर