ए आई...

ए आई.....

   ए आई ए आई
   मला जगात येऊ दे
   हे सुंदर सुंदर जग
   मला डोळ्याने पाहू दे

     या आजी आजोबांना
     का कळत नाही
     मी मुलगी असली तरी
     मुलांपेक्षा कमी नाही
        हे त्यांनाही आता
        थोडं थोडं  कळू दे
        हे सुंदर सुंदर जग
        मला डोळ्याने पाहू दे

      मुलगा मुलगी भेद
      का सारे करतात
      मुलाला उजवा अन्
      मुलगी डावी मानतात
         मुलींनाही आता
         पुढं पुढं जावू दे
         हे सुंदर सुंदर जग
         मला डोळ्याने पाहू दे

      उडण्याआधीच माझे
      पंख कापू नका
      थोडा विश्र्वास ठेवा
      मी देणार नाही धोका
         मलाही आकाशात
         उंच उंच जावू दे
         हे सुंदर सुंदर जग
         मला डोळ्याने पाहू दे

        कवी :- हरेशकुमार ना. खैरे
                   काटोल   जि. नागपूर
                   दि. 25.11.2017